તારી આંખનો અફીણી

તારી આંખનો અફીણી, તારા બોલનો બંધાણી
તારા રૂપની પૂનમનો પાગલ એકલો

હે આજ પીઉં દરશનનું અમૃત,  કાલ કસુંબલ કાવો
તાલ પુરાવે દિલની ધડકન,   પ્રીત બજાવે પાવો
તારી મસ્તીનો મતવાલો આશીક એકલો
હે તારા રૂપની પૂનમનો પાગલ એકલો...............તારી આંખનો અફીણી

પાંખોની પરખે પરબડી,     આંખો જુએ પીયાવો
અદલ બદલ તનમનની મોસમ, ચાતકનો ચકરાવો
તારા રંગ નગરનો રસિયો નાગર એકલો
હે  તારા  રૂપની પૂનમનો પાગલ એકલો................તારી આંખનો અફીણી

ધીમી ધીમી પગલી તારી  ધીમી કૈંક અદાઓ
કમર કરે છે લચક અનોખી રૂપ તણાં લટકાઓ
તારી અલબેલી એ ચાલનો ચાહક એકલો
હે તારા રૂપની પૂનમનો પાગલ એકલો...............તારી આંખનો અફીણી

તું કામણગારી રાધા ને     હું કાનો બંસીવાળો
તું ચંપા વરણી ક્રિષ્ન કળી હું કામણગારો કાનો
તારા ગાલની લાલીનો ગ્રાહક એકલો
હે તારા રૂપની પૂનમનો પાગલ એકલો...............તારી આંખનો અફીણી

રૂપ જાય આગળથી પાછળ,  જાય જુવાની વીતી
પ્રીતવાવડી  સદા છલકતી,  જાય જિંદગી પીતી
તારા હસમુખડાં ઝીલું છું ઘાયલ એકલો
હે  તારા રૂપની પૂનમનો પાગલ એકલો...............તારી આંખનો અફીણી

ઠરી ગયાં કામણના દીપક,   નવાં નૂરનો નાતો
ઝલક ગઈ મન પામરતાની, નવી આરતી ગાતો
તારી  પાનીને  પગરસ્તે  ચાલું એકલો
હે તારા રૂપની પૂનમનો પાગલ એકલો

તારી આંખનો અફીણી, તારા બોલનો બંધાણી
તારા રૂપની પૂનમનો પાગલ એકલો

ગીત: વેણીભાઈ પુરોહિત
Comments
  1. Nipurna Shah says:

    i like ur posts

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s